Հրապարակվել են նաև Սեֆիլյանի գործով ամբաստանյալների դատավճիռները
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Երևան քաղաքի Շենգավիթ վարչական շրջանի ընդհանուր իրավասության դատարանը մարտի 20-ին հրապարակեց Սեֆիլյանի գործով ամբաստանյալների դատավճիռները: «Արմենպրես»-ի փոխանցմամբ` ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու մեջ մեղադրվող Սասունիկ Կիրակոսյանը դատապարտվեց ազատազրկման 4 տարի 6 ամիս, Ներսես Պողոսյանը՝ 3,6 տարի, Հրայր Թոփչյանը՝ 3, Գալուստ Գրիգորյանը՝ 3.5 տարի, Հովհաննես Պետրոսյանը 2 տարի ժամկետով:
Գևորգ Սաֆարյանն էլ զանգվածային անկարգություններ նախապատրաստելու մեղադրանքով դատապարտվեց 4 տարվա ազատազրկման, դրան գումարվեց առաջին դատավճռի 2 տարի ժամկետը, վերջնական պատիժ սահմանվեց 5 տարի 6 ամիս:
Դատարանը Ժիրայր Սեֆիլյանին դատապարտեց 10 տարի 5 ամիս ազատազրկման:
Բաժանորդագրվեք մեր ալիքին Telegram-ում