Ձյուդոիստ Յուրի Իսրայելյանը բրոնզե մեդալ է նվաճել Եվրոպայի գավաթի խաղարկությունում
10:44, 19 Փետրվար 2018
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Հայաստանի ձյուդոյի պատանիների հավաքականի անդամ Յուրի Իսրայելյանը բրոնզե մեդալ է նվաճել Եվրոպայի գավաթի խաղարկության հերթական փուլում:
«Արմենպրես»-ի հաղորդմամբ` 50 կգ քաշային կարգում Յուրի Իսրայելյանը դարձել է բրոնզե մեդալակիր։ Նա մրցաշարում տարել է 5 հաղթանակ։
Մյուս պատանիները՝ Ստյոպա Դարբինյանը (55 կգ) եւ Մամիկոն Ավետիսյանը (81 կգ) առաջին գոտեմարտերում պարտվել են ու դուրս մնացել հետագա պայքարից: Պատանիների հավաքականը հանդես է եկել ավագ մարզիչ Հովհաննես Դավթյանի գլխավորությամբ։
Բաժանորդագրվեք մեր ալիքին Telegram-ում