Էկվադորի իշխանությունները կշարունակեն պաշտպանել Ասանժին
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Էկվադորը կշարունակի պաշտպանություն տրամադրել WikiLeaks կազմակերպության հիմնադիր Ջուլիան Ասանժին: Փետրվարի 6-ին այս մասին հայտնել Է հարավամերիկյան երկրի արտաքին գործերի նախարարությունը, տեղեկացնում Է «Արմենպրես»-ը:
«Արտաքին գործերի եւ միգրացիայի նախարարությունը հայտնում Է, որ Էկվադորի կառավարությունը կշարունակի միջազգային պաշտպանություն տրամադրել քաղաքացի Ջուլիան Ասանժին այնքան ժամանակ, քանի դեռ սպառնալիք գոյություն կունենա նրա կյանքի համար»,- նշված Է արտաքին քաղաքական գերատեսչության հայտարարության մեջ, որը զետեղված Է նրա պաշտոնական կայքում:
Փետրվարի 6-ին Լոնդոնի դատարանը հիմքեր չի գտել բավարարելու Ասանժի կալանագրի վերացման պահանջը: Այդ վճիռը հիմնավորվել Է նրանով, որ WikiLeaks-ի հիմնադիրը խախտել Է գործող դատական ընթացակարգը՝ չներկայանալով լսումներին: Դատարանը սույն հարցի քննարկմանը կվերադառնա փետրվարի 13-ին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում