Հայաստանի ժուռնալիստների միության նախագահ ընտրվեց Սաթիկ Սեյրանյանը
13:29, 28 Դեկտեմբեր 2017
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Սաթիկ Սեյրանյանը Հայաստանի ժուռնալիստների միության նոր նախագահն է: «Արմենպրես»-ի հաղորդմամբ՝ Սեյրանյանն ընտրվեց դեկտեմբերի 28-ին՝ միության 12-րդ համագումարում կայացած ընտրության արդյունքում՝ 57 կողմ և մեկ դեմ ձայնով:
Սեյրանյանը «168 Ժամ» թերթի գլխավոր խմբագիրն է, նաև «Արմենիա» հեռուստաընկերության «Ռ-Էվոլյուցիա» հաղորդաշարի հեղինակ և վարողը:
Ավելի վաղ զանգվածային լրատվության միջոցների 41 ղեկավարներ և ներկայացուցիչներ հայտարարությամբ իրենց աջակցությունն էին հայտնել Հայաստանի ժուռնալիստների միության նախագահի պաշտոնում Սաթիկ Սեյրանյանի թեկնածությանը:
Ինքնաառաջադրվել էր նաև միության անդամ Հարություն Ծատրյանը:
Հայաստանի ժուռնալիստների միության նախկին նախագահն էր Աստղիկ Գևորգյանը:
Բաժանորդագրվեք մեր ալիքին Telegram-ում