387.58
Ռուսական ռազմակայանի նորակոչիկների համար Էքսկուրսիա Է կազմակերպվել Հայաստանի տեսարժան վայրերով
2 րոպեի ընթերցում
Ինչպես «Արմենպրես»-ին տեղեկացրել են օկրուգի մամուլի ծառայությունում, զորամիավորման հրամանատարության նախաձեռնությամբ «Հայկական մշակույթի օրերի» անցկացման շրջանակներում որոշում Է ընդունվել ներածական դասընթաց անցկացնել նոր ժամանած զինծառայողների հետ եւ նրանց համար Էքսկուրսիա կազմակերպել հանրապետության տեսարժան վայրերով, որպեսզի զինծառայողները հնարավորություն ունենան ծանոթանալու Հայաստանի մշակութային ու պատմական ժառանգության հետ:
Հայաստանի մշակույթը, ավանդույթներն ու պատմությունը ճանաչելու նպատակով նոր ժամանած զինծառայողները ծանոթացել են զորամիավորման կյանքին ու կենցաղին, այցելել են «Մայր Հայաստան», «Պատվո բլուր», «Ռազմական փառքի» հուշահամալիրներ եւ պատմության թանգարաններ: Ռազմակայանի թանգարանում Էքսկուրսիայի մասնակիցներին ցուցադրել են 300-ից ավելի ցուցանմուշներ, որոնք պահպանվել են Նիկոլայ Առաջին կայսեր կողմից 213 տարի առաջ Ալեքսանդրապոլում (Գյումրի) ռուսական առաջին կայազորի հիմնման պահից:
Երեւանի զինվորական կայազորում նորակոչիկների համար ավելի ընդգրկուն մշակութային-ժամանցային եւ ռազմահայրենասիրական ծրագիր Է պատրաստված, որը ներառում Է այցելություն Հայրենական մեծ պատերազմի թանգարան, ազգային պատմության, հին ձեռագրերի թանգարան՝ Մատենադարան, հայերի 1915 թվականի ցեղասպանության զոհերի Ծիծեռնակաբերդի հուշահամալիր եւ Էջմիածնի մայր տաճար:
