1000х90.jpg (78 KB)

Երևանում՝ 11:07,   28 Մարտ 2024

Ջոն Մալկովիչի համար այցելությունը Հայոց ցեղասպանության հուշահամալիր ցավոտ դաս էր

Ջոն Մալկովիչի համար այցելությունը Հայոց ցեղասպանության հուշահամալիր ցավոտ 
դաս էր

ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Հոլիվուդի լեգենդ, աշխարհահռչակ ամերիկացի դերասան Ջոն Մալկովիչը հոկտեմբերի 10-ին այցելեց Հայոց ցեղասպանության անմեղ զոհերի հիշատակը հավերժացնող Ծիծեռնակաբերդի հուշահամալիր: Հայոց ցեղասպանության թանգարան-ինստիտուտի փոխտնօրեն Սուրեն Մանուկյանի ուղեկցությամբ՝ նա շրջայց կատարեց թանգարան-ինստիտուտում, ծանոթացավ ներկայացված ցուցանմուշներին, ապա թանգարանի հուշամատյանում հակիրճ գրառում կատարեց.

«Ցավոտ դաս»:

Ջոն Մալկովիչը թանգարանում շրջայց կատարելուց հետո ծաղիկներ խոնարհեց Ծիծեռնակաբերդի անմար կրակի մոտ, որից հետո պատասխանելով լրագրողների հարցերին՝ նա ասաց.

«Համոզված չեմ, որ կարող եմ ասել ավելին, քան ասվել է: Սա պարզապես ցավոտ դաս է այն մասին, թե ինչ են մարդիկ անում, թե ինչ սարսափելի արարքների են նրանք ընդունակ բացարձակ հիմար պատճառներով: Ամեն ինչն է հուզիչ, չեմ կարող որեւէ հատված, պատմության որեւէ մաս տարանջատել մյուսից: Դա սարսափելի էր»,-«Արմենպրես»-ի հաղորդմամբ՝ նշեց աշխարհահռչակ դերասանը՝ հավելելով, որ ցնցված է իր տեսածից ու լսածից:

Ջոն Մալկովիչի մասնակցությամբ հոկտեմբերի 11-ին «Արամ Խաչատրյան» համերգասրահում կմեկնարկի Խաչատրյանի 5-րդ միջազգային փառատոնը։ Մալկովիչը դիրիժոր Սերգեյ Սմբատյանի ղեկավարությամբ հանդես կգա Հայաստանի պետական երիտասարդական նվագախմբի հետ։ Ամերիկացի դերասանը կներկայացնի հատված Էռնեստո Սաբատոյի նովելից՝ Ալֆրեդ Շնիտկեի դաշնամուրի և նվագախմբի համար գրված կոնցերտի ուղեկցությամբ։

Լուսանկարները` Գևորգ Պերկուպերկյանի

Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]