Հատիս գյուղում մոտ 600 հակ կուտակված անասնակեր է այրվել
14:00, 8 Հոկտեմբեր 2017
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը hոկտեմբերի 7-ին, ժամը 23:34-ին ահազանգ է ստացել, որ Կոտայքի մարզի Հատիս գյուղի դպրոցի մոտակայքում՝ տներից մեկի բակում, այրվում է կուտակած անասնակեր:
Դեպքի վայր է մեկնել մեկ մարտական հաշվարկ:
Պարզվել է, որ հրդեհը բռնկվել է 2-րդ փողոցի տներից մեկի մոտակայքում:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, հրդեհը մեկուսացվել է ժամը 01:40-ին, մարվել՝ 06:35-ին: Այրվել է մոտ 600 հակ կուտակված անասնակեր:
Բաժանորդագրվեք մեր ալիքին Telegram-ում