ՄՕԿ-ը չի երաշխավորում ծանրամարտի` 2024 թվականի խաղերում առկայությունը
12:21, 16 Սեպտեմբեր 2017
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Միջազգային օլիմպիական կոմիտեի նախագահ Թոմաս Բախն անդրադարձել է ծանրամարտը 2020 և 2024 թվականի Օլիմպիական խաղերում լինելու փաստին:
«Ծանրամարտ մարզաձևը կլինի 2020 թվականի Տոկիոյի Օլիմպիական խաղերում: Բայց երաշխիք չկա, որ այն կլինի 2024 թվականի Փարիզի Օլիմպիական խաղերում»,-«Արմենպրես»-ի հաղորդմամբ` ասել է ՄՕԿ-ի նախագահ Թոմաս Բախը:
Դոպինգային մի շարք սկանդալների հետո այժմ ծանրամարտի միջազգային ֆեդերացիան քննարկում է 10 երկրների` Հայաստան, Ռուսաստան, Չինաստան, Ղազախստան, Բելառուս, Ադրբեջան, Թուրքիա, Ուկրաինա զրկել առաջիկա աշխարհի առաջնության մասնակցությունից:
Բաժանորդագրվեք մեր ալիքին Telegram-ում