Ծանրորդ Գոռ Մինասյանը դարձավ Համաշխարհային ուսանողական խաղերի չեմպիոն
14:31, 25 Օգոստոս 2017
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Օլիմպիական խաղերի փոխչեմպիոն ծանրորդ Գոռ Մինասյանը դարձավ Համաշխարհային ուսանողական խաղերի չեմպիոն:
«Արմենպրես»-ի հաղորդմամբ` Մինասյանը նախ պոկեց 195 կգ, այնուհետ` 200 կգ: Օլիմպիական փոխչեմպիոնը երրորդ մոտեցման ժամանակ չկարողացավ բարձրացնել 206 կգ: Հրում վարժությունում հայ ծանրորդը առաջին մոտեցման ժամանակ չբարձրացրեց 230 կգ: Սակայն երկրորդ մոտեցման ժամանակ նա գլխավերևում պահեց 230 կգ: Երրորդ մոտեցմամբ Մինասյանը չբարձրացրեց 235 կգ: Երկամարտի 430 կգ արդյունքով Մինասյանը դարձավ Ունիվերսիադայի չեմպիոն:
Մինասյանն աշխարհի առաջնության բրոնզե (2015), Եվրոպայի առաջնությունների արծաթե (2016, 2017), Օլիմպիական խաղերի փոխչեմպիոն է (2016):
Բաժանորդագրվեք մեր ալիքին Telegram-ում