Փառատոնների ժամանակ Հայաստան այցելող զբոսաշրջիկների միջին թիվը ավելանում է 10-15 տոկոսով
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Դիտակումների, փորձագիտական գնահատականների արդյունքում պարզ է դարձել, որ փառատոնների ժամանակ Հայաստան այցելող օրական զբոսաշրջիկների միջին թիվը ավելանում է 10-15 տոկոսով: «Արմենպրես»-ի հաղորդմամբ՝ օգոստոսի 18-ին լրագրողների հետ հանդիպմանն այս մասին ասաց Զբոսաշրջության պետական կոմիտեի նախագահի առաջին տեղակալ Մեխակ Ապրեսյանը:
«Փառատոնները նպաստում են, որ Հայաստանի զբոսաշրջային այցելությունների թիվն ավելանա: Շատերը գալիս են հատուկ որևէ փառատոնի մասնակցելու համար: Բացի այդ, փառատոնները միջազգային շուկային Հայաստանն ավելի ճանաչելի են դարձնում նոր հետաքրքրություններով»,-ասաց Ապրեսյանը:
Նրա խոսքով՝ ավելանում է փառատոններին անձամբ մասնակցող զբոսաշրջիկների թիվը: Որոշ հայկական փառատոնների համար նույնիսկ տուրփաթեթներ են վաճառվում Ռուսաստանում, Վրաստանում, Ուկրաինայում և այլ երկրներում:
Բաժանորդագրվեք մեր ալիքին Telegram-ում