Ճապոնիայում շտապ ազդարարման վարժանքներ են անցկացվել ԿԺԴՀ-ի կողմից հրթիռների արձակման դեպքում
11:02, 18 Օգոստոս 2017
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Ճապոնիայում տեղի են ունեցել շտապ ազդարարման J-Alert համակարգի օգտագործման վարժանքներ ԿԺԴՀ-ի կողմից հրթիռների արձակման դեպքում: Թեստային նախազգուշացումը տարածվել Է հատուկ վերահաղորդիչների միջոցով եւ կապի հատկացված ալիքներով՝ Հոնսյու կղզու հարավարեւմտյան մասի 202 քաղաքներում եւ ավաններում, տեղեկացնում Է «Արմենպրես»-ը:
Վարժանքներն անցկացվել են Տյուգոկուի տարածաշրջանում, ինչպես նաեւ Սիկոկու կղզում, ըստ Փենյանի հայտարարությունների՝ հենց այդ տարածքների վրայով պետք Է անցնեն հյուսիսկորեական հրթիռները Գուամ կղզու ուղղությամբ դրանց արձակման դեպքում:
Ընդհանուր առմամբ վարժանքներին մասնակցել են ինը պրեֆեկտուրաներ: Kyodo գործակալության տվյալներով՝ տեղի ունեցած վարժանքները վերաբերել են սոսկ համակարգերի աշխատունակության ստուգմանը: Բնակչության տարահանում չի կատարվել, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում