Իրանը ձգտում Է հեգեմոն դառանալու Մերձավոր Արեւելքում. Մայքլ Պոմպեո
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Իրանը ձգտում Է գերիշխուղ դիրքեր զբաղեցնելու Մերձավոր Արեւելքում եւ երկարաժամկետ հեռանկարով խոշորագույն մարտահրավեր Է ԱՄՆ-ի համար այդ տարածաշրջանում: Հուլիսի 11-ի երեկոյան այս կարծիքն Է հայտնել Կենտրոնական հետախուզական վարչության (ԿՀՎ) տնօրեն Մայքլ Պոմպեոն ՝ ելույթ ունենալով հասարակայնության համար բաց միջոցառմանը, որը Վաշինգտոնի Թայսոնս Քոռներ արվարձանում (Վիրջինիայի նահանգ) կազմակերպել Էր «Հետախուզության եւ ազգային անվտանգության դաշինք» ոչ կառավարական կազմակերությունը, տեղեկացնում Է «Արմենպրես»-ը:
«Ի դեմս Իրանի մեր հանդեպ «ռազմերթում գտնվող» հակառակորդ Է կանգնած: Ի տարբերություն «Իսլամական պետության» եւ դրա պատրանք-«խալիֆաթի», Իրանի Իսլամական Հանրապետությունը հզոր պետություն Է, որն իրենից ներկայացնում Է աշխարհում ահաբեկչության ամենախոշոր հովանավորը: Նրա ուժն ու ազդեցությունը շարունակում են աճել, հատկապես վերջին տարիներին: Եթե նայենք Սիրիայում, Եմենում եւ Իրաքում տեղի ունեցող իրադարձություններին, ապա կարելի Է տեսնել սպառնալիքը»,- նշել Է Պոմպեոն, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում