«Ավիաուսումնական կենտրոն»-ը հայտարարում է ընդունելություն

ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: ՀՀ կառավարությանն առընթեր քաղաքացիական ավիացիայի գլխավոր վարչության «Ավիաուսումնական կենտրոն» ՓԲԸ պետական քոլեջը հայտարարում է 2017-2018 ուսումնական տարվա ընդունելություն` հետևյալ մասնագիտություններով.

1. «Փոխադրումների կազմակերպում և կառավարում օդային տրանսպորտում» 1041.01.5

Որակավորումը` տեխնիկ-կարգավար, առկա ուսուցմամբ, անվճար (7) և վճարովի (15) տեղ:

Ուսման տևողությունը 2 տարի 6 ամիս:

2. «Օդային տրանսպորտի երթևեկության կառավարում» 1041.02.5

Որակավորումը` կարգավար-օդային տրանսպորտի երթևեկության կառավարում, առկա ուսուցմամբ, անվճար (3) և վճարովի (5) տեղ:

Ուսման տևողությունը 2 տարի 6 ամիս:

3. «Թռչող ապարատների և ավիաշարժիչների տեխնիկական շահագործում» 0716.06.5

Որակավորումը` ավիատեխնիկ, անվճար (5) և վճարովի (10) տեղ:

Ուսման տևողությունը 3 տարի:

Ինչպես «Արմենպրես»-ին տեղեկացրին ՀՀ ԿԱ քաղաքացիական ավիացիայի գլխավոր վարչության մամուլի ծառայությունից, բոլոր դիմորդները պետք է ունենան միջնակարգ (լրիվ) ընդհա­նուր կրթություն:

Դիմորդը հանձնաժողովին անձամբ ներկայացնում է.

- դիմում,

- կրթության մասին փաստաթղթի բնագիրը և պատճենը,

- 6 լուսանկար (3X4),

- անձնագիրը և պատճենը,

- սոցիալական քարտի պատճենը,

- կցագրման վկայականի պատճենը կամ զինվորական գրքույկի պատճենը,

- արտոնության իրավունքը հաստատող փաստաթուղթ (առկայության դեպքում):

Փաստաթղթերն ընդունվում են մինչև օգոստոսի 25-ը` յուրաքանչյուր օր՝ ժամը 900- 1800-ն, բացի շաբաթ և կիրակի օրերից:

Մրցույթն իրականացվելու է օգոստոսի 28-ին:

Հարցերի դեպքում կարող եք զանգահարել հետևյալ հեռախոսահամարներով, /060/37-35-47, «Զվարթնոց» միջազգային օդանավակայանի վարչական տարածքում` 31-89, 35-63 կամ այցելել՝ ք. Երևան «Զվարթնոց» միջազգային օդանավակայան, «Ավիաուսումնական կենտրոն» ՓԲԸ: