Ալբանիայի Կենտրոնական ընտրական հանձնաժողովի (ԿԸՀ) տվյալների համաձայն, ընտրատեղամասերի 97,5 տոկոսից ստացված տվյալների ամփոփումից հետո Սոցկուսակցությունն ստացել Է ձայների 48,16 տոկոսը եւ երկրի միապալատ խորհրդարանի 140 տեղերից հավակնում Է 74-ին: 28,73 տոկոս ձայներով երկրորդ տեղում Է խոշորագույն ընդդիմադիր Դեմոկրատական կուսակցությունը (ԴԿ)՝ սպասվող 43 մանդատներով, երրորդում՝ 14,38 տոկոս ձայներով, Հանուն ինտեգրացման սոցիալիստական շարժումը՝ 19 հնարավոր մանդատներով:

Եվս երեք մանդատի հավակնում Է Հանուն արդարության, ինտեգրացման եւ միասնության կուսակցությունը՝ ընտրողների 4,71 տոկոսի աջակցությամբ: Հունիսի 25-ին երկրի քաղաքացիները 12 վարչական օկրուգներում ընտրել են միապալատ խորհրդարանի 140 պատգամավորներին, ընդ որում՝ օրենսդիր մարմին անցնելու շեմը կուսակցությունների համար կազմում Է 3 տոկոս, իսկ կոալիցիաների համար՝ 5 տոկոս: Պատգամավորական մանդատներին հավակնում են 18 քաղաքական միավորումներ, հաղորդել Է ՌԻԱ Նովոստին: