387.58
Հայաստանում երեք հիվանդի ոսկրածուծի ցողունային բջիջների փոխպատվաստում կիրականացվի
1 րոպեի ընթերցում
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Հայաստանում ոսկրածուծի ցողունային բջիջների փոխպատվաստման համար երեք հիվանդ է նախապատրաստվում: Պրոֆեսոր Ռ.Օ. Յոլյանի անվան արյունաբանական կենտրոնի տնօրեն Սմբատ Դաղբաշյանն «Արմենպրես»-ի հետ զրույցում նշեց, որ ապրիլին իրականացված երկու փոխպատվաստումներն էլ հաջող են անցել: «Թե տարվա ընթացքում քանի փոխպատվաստում կիրականացվի, ցույց կտա անհրաժեշտությունը»,-հավելեց նա:
ՀՀ առողջապահության նախարարության պրոֆեսոր Ռ.Օ. Յոլյանի անվան արյունաբանական կենտրոնում Համբուրգի Էպենդորֆ կլինիկայի փոխպատվաստման բաժնի ղեկավար, պրոֆեսոր Նիկոլաուս Կրյոգերը արյունաբանական կենտրոնի տրանսպլանտոլոգների թիմի հետ ապրիլի 10-ին իրականացրեց Հայաստանում ոսկրածուծի ցողունային բջիջների առաջին երկու հաջող փոխպատվաստումը:
Հայաստանում տարեկան 60 փոխպատվաստման կարիք կա:
