Իսպանիայում պաղպաղակ են ստեղծել գարեջրից
16:06, 2 Մայիս 2017
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Իսպանացի խոհարարները գարեջրից ստեղծել են պաղպաղակ, որն ստացել Է Enigma Origen անվանումը: Այս մասին, ինչպես տեղեկացնում Է «Արմենպրես»-ը, հաղորդել Է «Իսպանիա պո ռուսկի» պորտալը:
Աղանդերը ներկայացվել Է El Salցn de Gourmets համադամների ցուցահանդեսում, որը տեղի Է ունեցել ապրիլի 24-ից մինչեւ 27-ը Մադրիդում: Պաղպաղակի վրա աշխատել Է այն խումբը, որը բաղկացած Էր Cervezas Enigma ոչ մեծ գարեջրագործական ընկերության եւ AcaramHelados պաղպաղակ արտադրողի ներկայացուցիչներից:
Նշվում Է, որ աղանդերը պատրաստված Է բացառապես բնական հումքից՝ առանց որեւիցե բուրավետացուցիչների եւ կոնսերվանտների հավելման: Վառ սաթագունի պաղպաղակն ունի շոկոլադի, սուրճի եւ կարամելի համ, որը բնորոշ Է Cervezas Enigma-ի թողարկած կրաֆտային գարեջրի սորտերին:
Հետագայում գարեջրային պաղպաղակը կարելի կլինի պատվիրել Իսպանիայի բարձրակարգ խոհարարության մի քանի ռեստորաններում:
Բաժանորդագրվեք մեր ալիքին Telegram-ում