Սպիտակ տունը հայտնել Է Պուտինի եւ Թրամփի առաջիկա հեռախոսազրույցի մասին
09:57, 2 Մայիս 2017
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը մտադիր մայիսի 2-ին հեռախոսազրույց անցկացնել Ռուսաստանի իր պաշտոնակից Վլադիմիր Պուտինի հետ: Դա, ինչպես տեղեկացնում Է «Արմենպրես»-ը, հայտնի Է դարձել Սպիտակ տան տարածած հաղորդագրությունից:
Հեռախոսազրույցը պլանավորված Է ԱՄՆ-ի արեւելյան ափի ժամանակով ժամը 12:30-ին (Երեւանի ժամանակով ժամը 20:30-ին): Reuters գործակալությունը, հղում անելով Թրամփի վարչակազմի բարձրաստիճան ներկայացուցչին, հայտնել Է, որ երկու երկրների ղեկավարները, հավանաբար, կքննարկեն Սիրիայում շարունակվող պատերազմը:
ԱՄՆ-ի եւ ՌԴ-ի նախագահների առաջին հեռախոսազրույցը կայացել Է հունվարի վերջին, երկրորդը՝ ապրիլի սկզբին, երբ Թրամփը Պուտինին ցավակցություն հայտնեց Սանկտ Պետերբուրգում կատարված ահաբեկչական գործողության կապակցությամբ:
Բաժանորդագրվեք մեր ալիքին Telegram-ում