Թեհրանը եւ Փենյանը հանդես են եկել տնտեսական գործընկերության զարգացման օգտին
10:11, 20 Փետրվար 2017
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Թեհրանը եւ Փենյանը հանդես են եկել երկկողմ փոխգործակցությունն ակտիվացնելու օգտին, այդ թվում՝ տնտեսության բնագավառում: Այդ մասին, ինչպես տեղեկացնում Է «Արմենպրես»-ը, հայտնել Է ICANA լրատվական գործակալությունըը՝ ամփոփելով Իսլամական Հանրապետության մեջլիսի (խորհրդարանի) խոսնակ Ալի Լարիջանիի եւ այցով Թեհրան ժամանած ԿԺԴՀ-ի Բարձրագույն ժողովրդական ժողովի (խորհրդարանի) նախագահ Ցոյ Տհե Բոկի հանդիպման արդյունքները:
«ԿԺԴՀ-ն հանդես Է գալիս Իրանի հետ տնտեսական կապերի ամրապնդման օգտին»,- գործակալությունը մեջբերել Է Բոկի խոսքը: Նա բարձր Է գնահատել Թեհրանի ձեռքբերումները երկրի պաշտպանունակության ամրապնդման գործում: Երկու երկրների ղեկավարները նաեւ «դատապարտել են Միացյալ Նահանգների միջամտությունը անկախ պետութծյունների ներքին գործերին»:
Թեհրանի եւ Փենյանի միջեւ գործում Է գիտատեխնիկական համագործակցության համաձայնագիր: Այդ փոխգործակցություն Է նախատեսում կենսատեխնոլոգիաների, Էներգիայի վերականգնվող աղբյուրների, գյուղատնտեսության եւ սննդային տեխնոլոգիաների կայուն զարգացման բնագավառում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում