Լևոն Արոնյանը սևերով միավորը կիսեց Եվգենի Տոմաշեւսկու հետ. Գրան պրի
15:11, 19 Փետրվար 2017
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Շարժայում մեկնարկեց ՖԻԴԵ-ի «Գրան պրի»-ի մրցաշարը:
«Արմենպրես»-ի փոխանցմամբ` առաջին տուրում Լևոն Արոնյանը սեւերով միավորը կիսեց Եվգենի Տոմաշեւսկու հետ: Պարտիան ավարտվեց 22-րդ քայլին: «Գրան պրի» մրցաշարը հաղթանակով սկսեցին Մաքսիմ Վաշիե-Լագրավը, Մայքլ Ադամսն ու Ռիչարդ Ռապորտը. նրանք հաղթեցին համապատասխանաբար Լի Չաոյին, Սալեմ Սալեհին և Դին Լիժենին: Տուրի մյուս պարտիաներն ավարտվեցին ոչ-ոքի արդյունքով: Կայանալիք երկրորդ տուրում Լևոն Արոնյանը սպիտակ խաղաքարերով կմրցի Մայքլ Ադամսի հետ:
Բաժանորդագրվեք մեր ալիքին Telegram-ում