Երկրաշարժ Հայաստանում. զգացվել է Կապանում, Մեղրիում
15:20, 28 Հոկտեմբեր 2016
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից հոկտեմբերի 28-ին` տեղական ժամանակով ժամը 12.05-ին (Գրինվիչի ժամանակով` 08.05-ին), գրանցվել է 2.7 մագնիտուդով երկրաշարժ` հյուսիսային լայնության 38.960 և արևելյան երկայնության 46.420աշխարհագրական կոորդինատներով (Հայաստան): Օջախի խորությունը` 10 կմ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, ստորգետնյա ցնցման ուժգնությունն էպիկենտրոնում կազմել է 3-4 բալ: Երկրաշարժը զգացվել է Կապանում՝ 3 բալ, Մեղրիում՝ 3-4 բալ ուժգնությամբ:
Բաժանորդագրվեք մեր ալիքին Telegram-ում