ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Երևանում գտնվող «Գազպրոմ» ՀԲԸ վարչության նախագահ Ալեքսեյ Միլլերն այցելել է «Գազպրոմ Արմենիա» ընկերություն և աշխատակազմին ներկայացրել նոր գլխավոր տնօրեն Հրանտ Թադևոսյանին: Ինչպես փոխանցում է «Արմենպրես»-ը, այդ մասին հաղորդում է «Գազպրոմ»-ի պաշտոնական կայքը:

Հրանտ Թադևոսյանը գլխավոր տնօրեն է նշանակվել  «Գազպրոմ Արմենիա»-ի տնօրենների խորհրդի որոշմամբ:

Թադևոսյանը ծնվել է 1962 թվականի ապրիլի 30-ին: 2011-2016 թվականներին զբաղեցրել է «ՀայՌուսգազարդ»-ի (2014-ից «Գազպրոմ Արմենիա») գլխավոր տնօրենի տեղակալ-գլխավոր ինժեների պաշտոնը:

Ավելի վաղ «Գազպրոմ Արմենիա»-ն գլխավորած Վարդան Հարությունյանը նշանակվել է ՀՀ պետական եկամուտների կոմիտեի նախագահ: