Կառավարությունն անապահով ընտանիքների փոխարեն «Գազպրոմ Արմենիա»-ին կփոխհատուցի 115.7 միլիոն դրամ
1 րոպեի ընթերցում
![Կառավարությունն անապահով ընտանիքների փոխարեն «Գազպրոմ Արմենիա»-ին կփոխհատուցի 115.7 միլիոն դրամ](http://armenpress.am/resized/480/static/news/b/2014/04/758267.jpg)
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Հայաստանի կառավարությունը 2013 թվականի ապրիլի 1-ից հուլիսի 6-ն ընկած ժամանակահատվածում անապահով ընտանիքների կողմից օգտագործված գազի սուբսիդավորման ծրագրի շրջանակում «Գազպրոմ Արմենիա» ընկերությանը կփոխհատուցի 115.7 միլիոն դրամ: «Արմենպրես»-ի փոխանցմամբ` նշված ժամանակահատվածում սոցիալապես անապահով ընտանիքների համար 1խմ գազի գինը, կառավարության սուբսիդավորմամբ, 132 դրամի փոխարեն սահմանվել է 100 դրամ:
Նշված տարբերությունը կառավարությունը փոխհատուցում է ՀՀ էլեկտրաէներգետիկական համակարգի պետական ընկերությունների վերազինման, օպտիմալացման և բարեփոխումների արդյունքում առաջացող շահույթի հաշվին: Համապատասխան նախագիծն ընդգարկված է կառավարության ապրիլի 17-ի նիստի օրակարգում: