Երևանում՝ 11:07,   28 Մայիս 2024

Քաղցկեղ ունեցող բուժառուներին տրամադրվող անվճար դեղերի ցանկը համալրվել է

Քաղցկեղ ունեցող բուժառուներին տրամադրվող անվճար դեղերի ցանկը համալրվել 
է

ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Քաղցկեղ ունեցող բուժառուներին տրամադրվող անվճար դեղերի ցանկը համալրվել է։  Այսուհետ  նրանք անվճար կստանան բուժման համար շատ կարևոր և անհրաժեշտ  բևացիզումաբ  դեղը` ըստ բժշկական ցուցումների, անկախ սոցիալական կամ հատուկ խմբերի ցանկում ընդգրկվածության:

«Արմենպրես»-ի հետ զրույցում այս մասին ասաց ՀՀ ԱՆ դեղորայքային քաղաքականության և բժշկական տեխնոլոգիաների վարչության պետ   Մարինե Հարությունյանը՝ նշելով, որ  բոլոր այն բուժառուները ովքեր ունեն նշված դեղորայքի կարիքը, կարող են դիմել Ֆանարջյանի անվան ուռուցքաբանության ազգային կենտրոն, ստանալ բժշկի խորհրդատվություն, որից հետո անվճար կտրամադրվի համապատասխան դեղը:

«Առողջապահության նախարարության անունով որպես մարդասիրական օգնություն  ստացվել է բևացիզումաբ հակաուռուցքային  դեղը, որը նախատեսված է մի քանի տեսակի ուռուցքների պարագայում կիրառելու համար. դեղորայքն օգտագործվում է գլխուղեղի չարորակ նորագոյացությունների, թոքի, արգանդի վզիկի և մետաստատիկ կոլոռեկտալ քաղցկեղների դեպքում: Այս դեղը ծրագրային հիմունքներով տրամադրվել է Ֆանարջյանի անվան ուռուցքաբանության ազգային կենտրոնին՝ բուժառուներին անվճար տրամադրելու նպատակով: Նշեմ, որ բուժառուներին դեղը կտրամադրվի ամբողջ կուրսի չափով՝ մեկ տարվա ընթացքում»,- ասաց Հարությունյանը:

Ֆանարջյանի անվան ուռուցքաբանության ազգային կենտրոնի դեղորայքային ուռուցքաբանության բաժանմունքի ղեկավար Նաիրա Ջանոյանի խոսքով՝դեղորայքի անվճար տրամադրումը հնարավորություն կտա շատ ավելի արդյունավետ բուժում իրականացնել:

«Քիմիաթերապիան ավարտելուց հետո շատ անհրաժեշտ է անցնել  բևացիզումաբով պահպանողական կուրս, ստացված արդյունավետությունը պահպանելու համար»,- նշեց Ջանոյանը:

Մասնագետի խոսքով՝  նախկինում հիվանդներից ոչ բոլորին է հասանելի եղել նշված դեղորայքը, քանի որ այն շատ թանկարժեք է և մեկ կամ երկու կուրս ստանալու համար բուժառուները կարող էին մեծ գումարներ ծախսել և անհրաժեշտ արդյունքը չստանային: Իսկ այս պարագայում կտրամադրվի լիարժեք և ամբողջական բուժման կուրս:

Հեղ. Գայանե Գաբոյան

Օպերատոր՝ Հայկ Բարսեղյան

 

 

 

 

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am