Երևանում կձևավորվի գեղագիտական խորհուրդ. Երևանի քաղաքապետ
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Երևանում կձևավորվի գեղագիտական խորհուրդ:
«Արմենպրես»-ի հաղորդմամբ՝ այս մասին Երևանի ավագանու նիստի ժամանակ ասաց քաղաքապետ Տիգրան Ավինյանն՝ անդրադառնալով «Ազգային առաջընթաց» խմբակցության անդամ Իզաբելլա Աբգարյանի բարձրացրած այն հարցին, որ մայրաքաղաքում կան գեղագիտական խնդիրներ:
«Խորհուրդն անպայմանորեն ձևավորվելու է, ինչպես ձևավորվել է քաղաքաշինական խորհուրդը»,-ասաց Ավինյանը:
Ըստ Աբգարյանի՝ Երևանի քաղաքապետարանին անհրաժեշտ է գեղագիտական խորհուրդ ունենալ, որպեսզի հարցերը լուծեն ոչ թե ավագանու անդամներն ըստ իրենց ճաշակի, այլ այդ խորհուրդը պետք է օժտված լինի շատ ավելի լայն գործունեության դաշտով:
«Մենք նաև դիզայնի խնդիր ունենք, այսինքն՝ ընդհանուր գեղագիտությունը, ոչ միայն մշակույթը: Հուսով եմ, որ այդ խորհուրդը կկայանա, այնտեղ կլինեն անվանի մասնագետներ, ում մենք կարող ենք վստահել»,-նշեց նա:
Բաժանորդագրվեք մեր ալիքին Telegram-ում