Ոստիկանության բոլոր բաժիններում նախատեսվում է տեղադրել տեսախցիկներ
18:40, 1 Մարտ 2023
ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ։ 2020 թվականի մայիսից Հայաստանի Հանրապետության ոստիկանության 10 բաժիններում արդեն իսկ տեղադրվել են տեսախցիկներ։ Ինչպես տեղեկացնում է «Արմենպրես»-ը, Ազգային ժողովում Կառավարության հետ հարց ու պատասխանի ժամանակ այս մասին ասաց Հայաստանի Հանրապետության ներքին գործերի նախարար Վահե Ղազարյանը։
«Քրեական դատավարության փոփոխությունից հետո այդ գործընթացը դադարեց, քանի որ, արդեն գիտեք, ոստիկանությունը նախաքննություն չի իրականացնում, այդ իսկ պատճառով անհրաժեշտությունը վերացավ։ Բայց այս բարեփոխումների շրջանակներում նախատեսում ենք հանրապետության բոլոր բաժիններում նախատեսել տեսախցիկներ»,- ասաց Վահե Ղազարյանը։
Բաժանորդագրվեք մեր ալիքին Telegram-ում