Պատերազմի մասնակիցներին ՏՏ ոլորտում ներգրավելու ծրագրերը շարունակական բնույթ կկրեն

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Արցախյան ռազմական գործողությունների մասնակիցները 2022 թվականի «Մասնագետների պատրաստման ԲՈՒՀ-մասնավոր հատված համագործակցություն» ծրագրի շրջանակներում հնարավորություն են ունեցել 5 ուղղություններով անվճար տեխնոլոգիական կրթություն ստանալ:

«Արմենպրես»-ի հետ զրույցում այս մասին ասաց բարձր տեխնոլոգիական արդյունաբերության նախարար Ռոբերտ Խաչատրյանը:

«Դիմորդների թիվը 295 է, որոնցից 136-ը Երևանից են, 159-ը մարզերից և Արցախի Հանրապետությունից: Այս պահին սովորում է 135 մասնակից, որոնցից 65-ը Երևանից են, 70-ը՝ մարզերից և Արցախի Հանրապետությունից»,- նշեց Խաչատրյանը

Կա մտադրություն ծրագիրը շարունակելու։

Նախարարի խոսքով՝ ամեն ջանք կգործադրվի, որ ծրագիրը շարունակական բնույթ կրի:

Կարինե Տերտերյան