Ուկրաինայի հայ բժիշկները քննարկել են Հայաստանին օգնություն տրամադրելու ալգորիթմը
1 րոպեի ընթերցում
![Ուկրաինայի հայ բժիշկները քննարկել են Հայաստանին օգնություն տրամադրելու ալգորիթմը](http://armenpress.am/resized/480/static/news/b/2021/12/1071296.jpg)
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Ուկրաինայի հայերի միության Կիևում գտնվող կենտրոնական գրասենյակում տեղի է ունեցել Ուկրաինայի հայ բժիշկների միության (UAMU) կլոր սեղան:
Այս մասին հայտնում է «Արմենպրես»-ը՝ հղում անելով AnalitikaUA.net-ին: Միջոցառման ընթացքում ամփոփվել են Գեղարքունիքի մարզ կատարած այցի արդյունքները, քննարկվել է Հայաստանին հետագա աջակցության ալգորիթմը, ինչպես նաև՝ բժիշկների, ուսանողների և հիվանդների փոխգործակցության ուղիները։
Նշվում է, որ նոյեմբերին Ուկրաինայի հայ բժիշկները Հայաստան կատարած այցի ժամանակ եղել են մի շարք բուժհաստատություններում, որտեղ ուսումնասիրել են օգնություն կազմակերպելու և հայրենիքի գործընկերների հետ փոխգործակցության հնարավորությունները։
44-օրյա պատերազմի ժամանակ ՈւՀԲՄ -ի բժիշկները Ուկրաինայի հայկական համայնքի Երևանի գրասենյակի շրջանակներում օգնություն էին ցուցաբերում պատերազմի ժամանակ վիրավորվածներին։