Ժամանակը Երևանում՝ 11:07:36,   24 Մայիս

Ագարակավանի գյուղապետարանը կքննարկի 170-ից ավելի ոչխար կորցրած գյուղացուն օգնություն տրամադրելու հարցը

Ագարակավանի գյուղապետարանը կքննարկի 170-ից ավելի ոչխար կորցրած գյուղացուն 
օգնություն տրամադրելու հարցը

ԵՐԵՎԱՆ,13 ՆՈՅԵՄԲԵՐԻ, ԱՐՄԵՆՊՐԵՍ: Արագածոտնի մարզի Ագարակավանի գյուղապետարանը հանձնաժողով կձևավորի՝ քննարկելու 170-ից ավելի ոչխար կորցրած և 40 հազար դոլարի վնաս կրած գյուղացուն օգնություն ցուցաբերելու հարցը:

«Արմենպրես»-ի հետ զրույցում հայտնեց Ագարակավանի գյուղապետ Խորեն Կիրակոսյանը, նշելով, որ համագյուղացի Հայկ Մարտիրոսյանի ընտանիքը մեծ վնասներ է կրել նոյեմբերի 13-ին գայլերի ոհմակի հարձակման հետևանքով: 

«Գյուղապետարանը կձևավորի հանձնաժողով, ակտ կկազմի, կհաշվի վնասի չափը և այդ ամենը կփոխանցի Արագածոտնի մարզպետարանին, որից հետո համատեղ ուժերով կհասկանանք, թե ինչով կկարողանանք օգնել այդ մարդկանց: Եթե անհրաժեշտություն լինի՝ կաջակցենք նաև, որպեսզի նրանք դիմեն Կառավարությանը»,- ասաց Կիրակոսյանն՝ ընդգծելով, որ գյուղապետարանը կանի իրենից կախված ամեն բան՝ օգնելու համագյուղացուն:

Նոյեմբերի 13-ին, ժամը 02։00-02։30-ն ընկած ժամանակահատվածում Արագածոտնի մարզի Ագարակավան գյուղում գայլերի ոհմակը 170-ից ավելի մայրացու ոչխարներ է հոշոտել, գյուղացին կրել է մոտ 40 հազար դոլարի վնաս։ Համագյուղացիները պատրաստվում են դիմել Կառավարությանը, որ Հայկ Մարտիրոսյանի ընտանիքին հնարավորության սահմաններում փոխհատուցում տան և օժանդակեն:

Կարինե Տերտերյան

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]