ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Կուբան արագացնում է COVID-19- ի դեմ պատվաստումների ծրագիրը, քանի որ նպատակ ունի մինչև դեկտեմբեր ամբողջովին պատվաստել բնակչության 90 տոկոսին:  «Արմենպրես»-ի փոխանցմամբ՝ այս մասին հայտնում է Reuters-ը:

Առողջապահության նախարարությունը հաղորդել է, որ Կուբայի 11.3 մլն բնակչության ավելի քան 80 տոկոսը ստացել է պատվաստանյութի առաջին դեղաչափը՝ Կուբայի արտադրած «Աբդալա», «Սոբերանա -2» կամ «Սոբերանա-պլյուս» պատվաստանյութերով:

Կուբայի բնակչության մոտ 50 տոկոսը ստացել է պատվաստանյութերի բոլոր անհրաժեշտ դեղաչափերը:  Կառավարությունը հայտարարել է, որ Կուբան մտադիր է  դառնալ առաջին երկիրը, որը պատվաստել է իր բնակչության մեծ մասին՝ սեփական պատվաստանյութերով: