ԱԺ նախագահը Արփինե Դավոյանին մեկ նիստի ընթացքում զրկեց ելույթի իրավունքից
12:38, 11 Օգոստոս 2021
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Ազգային ժողովի նախագահ Ալեն Սիմոնյանը նախազգուշացում հայտարարեց «Քաղաքացիական պայմանագիր» խմբակցության պատգամավոր Արփինե Դավոյանին` երրորդ նախագահ Սերժ Սարգսյանին և «Պատիվ ունեմ» խմբակցության պատգամավորներին որակումներ տալու համար:
Ինչպես տեղեկացնում է «Արմենպրես»-ը, ԱԺ նախագահը նաև Արփինե Դավոյանին զրկեց մեկ նիստի ընթացքում ելույթ ունենալու իրավունքից:
Ազգային ժողովի նախագահը նման որոշում կայացրեց, երբ Արփինե Դավոյանն իր ելույթում Սերժ Սարգսյանին անվանեց «մերժված», իսկ պատգամավորներին «լարովի տիկնիկներ»:
Բաժանորդագրվեք մեր ալիքին Telegram-ում