ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Ղազախստանում կորոնավիրուսի տարածման դեմ պայքարի միջգերատեսչական հանձնաժողովը որոշում է կայացրել լրատվամիջոցներում հրապարակել այն անձանց անունները, ովքեր իմանալով իրենց հիվանդ լինելու մասին՝ խախտում են կարանտինային կանոնները: «Արմենպրես»-ի փոխանցմամբ, այս մասին հայտնում է հայտնել է Ղազախստանի կառավարության մամուլի ծառայությունը:

Հանձնաժողովի նախագահ Երալի Տուգժանովը հանձնարարել է մշակել գործողությունների հստակ ծրագիր, որը թույլ չի տա նոր կորոնավիրուսի նոր շտամների տարածումը:

Ղազախստանում, որի բնակչությունը շուրջ 18.9 մլն է, ընդհանուր առմամբ գրանցվել է կորոնավիրուսով վարակման 504 հազար 290 դեպք, մահացել է 5116-ը: