Նիդերլանդների խորհրդարանի կողմից Եզդիների ցեղասպանության ճանաչումը պատմական որոշում է. ՀՀ ԱԺ պատգամավոր
20:46, 6 Հուլիս 2021
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Նիդերլանդների խորհրդարանը, պաշտոնապես ճանաչելով Եզդիների ցեղասպանությունը, իր ավանդն է ներդրել ցեղասպանության միջազգային ճանաչմանն ուղղված պայքարում: «Արմենպրես»-ի հաղորդմամբ՝ այս գնահատականը «Ֆեյսբուք»-ի իր էջի գրառմամբ ներկայացրել է ՀՀ ԱԺ պատգամավոր, Հայաստանի եզդի համայնքի ներկայացուցիչ Ռուստամ Բաքոյանը։
«Շնորհակալություն, Նիդերլանդներ։
Այսօր Նիդեռլանդների Թագավորության խորհրդարանը պատմական որոշում կայացրեց և պաշտոնապես ճանաչեց Եզդիների ցեղասպանությունը` իր ավանդը ներդնելով ցեղասպանության միջազգային ճանաչմանն ուղղված պայքարին»,- նշել է պատգամավորը։
Բաժանորդագրվեք մեր ալիքին Telegram-ում