1000х90.jpg (78 KB)

Երևանում՝ 11:07,   29 Մարտ 2024

Ուսուցիչների վերապատրաստման համար երաշխավորվել է 48 կազմակերպություն. ԿԳՄՍ փոխնախարար

Ուսուցիչների վերապատրաստման համար երաշխավորվել է 48 կազմակերպություն. 
ԿԳՄՍ փոխնախարար

ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Պարտադիր ատեստավորման ենթակա ուսուցիչների վերապատրաստման համար երաշխավորվել է 48 կազմակերպություն:

«Արմենպրես»-ի հաղորդմամբ՝ «Ֆեյսբուքի» իր էջում այս մասին գրել է ՀՀ կրթության, գիտության, մշակույթի և սպորտի փոխնախարար Ժաննա Անդրեասյանը:

«Երկրորդ փուլով ստացված հայտերն էլ հաշվի առնելով` ուսուցիչների վերապատրաստման համար երաշխավորվել է 48 կազմակերպություն: Դուք ազատ եք ընտրել այն կազմակերպությունը, որտեղ ուզում եք վերապատրաստում անցնել: Երաշխավորված է նաև շուրջ 30 դասընթաց»,- նշել է Անդրեասյանը:

Նրա խոսքով՝ այդ դասընթացներից որևէ մեկը նախորդող մեկ տարվա ընթացքում անցած լինելու պարագայում ուսուցիչները հնարավորություն ունեն ավտոմատ հավաքագրել նշված կրեդիտները:

Զբաղեցրած պաշտոնին ուսուցչի համապատասխանությունը որոշելու նպատակով պետությունը 5 տարին մեկ անգամ յուրաքանչյուր ուսուցչի համար իրականացնում է հերթական ատեստավորում: Ատեստավորումից առաջ հանրակրթական դպրոցների ուսուցիչներն անցնում են պարտադիր վերապատրաստում, որն իրականացվում է ՀՀ ԿԳՄՍ նախարարության կողմից երաշխավորված կազմակերպությունները:

ՀՀ կրթության, գիտության, մշակույթի և սպորտի նախարար Վահրամ Դումանյանի 2021 թվականի մարտի 5-ի հրամանով հաստատվել է ուսուցչի ատեստավորման համար վերապատրաստող կազմակերպությունների երաշխավորման նոր կարգը, որն արդեն ուժի մեջ է մտել:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]