1000х90.jpg (78 KB)

Երևանում՝ 11:07,   29 Մարտ 2024

ՀՔԾ-ն կստուգի Գորիսի փոխքաղաքապետի նկատմամբ ոստիկանությունում բռնություն կիրառելու մասին հաղորդումը

ՀՔԾ-ն կստուգի Գորիսի փոխքաղաքապետի նկատմամբ ոստիկանությունում բռնություն 
կիրառելու մասին հաղորդումը

ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Հատուկ քննչական ծառայությունը իրավական պատշաճ ընթացակարգերով կստուգի Գորիսի փոխքաղաքապետ Մենուա Հովսեփյանի նկատմամբ ոստիկանության Երևան քաղաքի վարչությունում բռնություն կիրառելու մասին հաղորդումը:

«Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՔԾ պետ Սասուն Խաչատրյանը:

«Այդ կապակցությամբ մենք ստացել ենք հաղորդում, իրավական պատշաճ ընթացակարգերով այդ հաղորդումը կստուգվի: Օրենքով սահմանված կարգով ընթացք կտրվի»,- նշեց Խաչատրյանը:

ՀՀ վարչապետ Նիկոլ Փաշինյանն ապրիլի 20-ից գտնվում էր Սյունիքի մարզում: Ապրիլի 21-ի առավոտյան Սյունիքի մարզի Ագարակ համայնքում մի խումբ քաղաքացիներ թույլ չէին տվել վարչապետի տեղաշարժը՝ վանկարկումներով ու հայհոյախառն արտահայտություններով: Դրանից հետո Սյունիքի մարզի մի խումբ համայնքապետեր և փոխքաղաքապետեր հրավիրվել էին Քննչական կոմիտե:

Ապրիլի 21-ին Սյունիքի մարզում տեղի ունեցած դեպքերի առթիվ ՀՀ քննչական կոմիտեն քրեական գործ է հարուցել 258-րդ հոդվածի 1-ին, 3-րդ մասերով (Խուլիգանությունը) և 316-րդ հոդվածի 1-ին մասով (Իշխանության ներկայացուցչի նկատմամբ բնություն գործադրելը):

Մենուա Հովսեփյանը, ըստ Գորիսի մեկ այլ փոխքաղաքապետ Իրինա Յոլյանի, Երևան քաղաքի վարչությունում մարմնական վնասվածքներ էր ստացել: Նրա նկատմամբ ձերբակալությունը դատարանը ապրիլի 23-ին ոչ իրավաչափ էր համարել: Խափանման միջոց է ընտրվել ստորագրությունը՝ չհեռանալու մասին:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]