390.68
Արցախցի խորհրդարանականները հանդիպել են ՌԴ Պետդումայի պատգամավոր Կոնստանտին Զատուլինին
1 րոպեի ընթերցում
ՍՏԵՓԱՆԱԿԵՐՏ, 17 ՄԱՐՏԻ, ԱՐՄԵՆՊՐԵՍ: Արցախի Ազգային ժողովի պատգամավորներ Գեղամ Ստեփանյանը և Դավիթ Մելքումյանը, ովքեր աշխատանքային այցով գտնվում են Ռուսաստանի Դաշնությունում, հանդիպել են ՌԴ Պետդումայի պատգամավոր Կոնստանտին Զատուլինի հետ: Այս մասին «Արմենպրես»-ին տեղեկացրեց Դավիթ Մելքումյանը:
Արցախի ԱԺ պատգամավորները ռուս գործընկերոջ հետ քննարկել են Արցախում և տարածաշրջանում առկա իրավիճակի, հումանիտար և անվտանգային մարտահրավերները: «Հանդիպմանը կարևորել ենք Արցախի և Ռուսաստանի միջև համակողմանի համագործակցությունն ակտիվացնելու ուղղությամբ քայլերը՝ ընդգրկելով ոչ միայն անվտանգության, այլ նաև քաղաքական, տնտեսական, կրթական ու մշակութային ոլորտները»,-մանրամասնեց Մելքումյանը:
Բաժանորդագրվեք մեր ալիքին Telegram-ում