Երևանում շահագործման է հանձնվել նոր միկրոավտոբուսներից բաղկացած առաջին երթուղին
18:42, 5 Փետրվար 2021
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Երևանում շահագործման է հանձնվել ներկրված նոր միկրոավտոբուսներից բաղկացած առաջին երթուղին: «Արմենպրես»-ի փոխանցմամբ՝ այս մասին հայտնում է Աջափնյակ վարչական շրջանի «Ֆեյսբուք»-ի էջը:
«Հարգելի՛ աջափնյակցիներ, ուրախ ենք տեղեկացնել, որ այսօր երթուղի են դուրս եկել Երևան ներկրված նոր ավտոբուսները։ Այսուհետ 26 համարի միկրոավտոբուսը կսպասարկի Աջափնյակ վարչական շրջանի Խոպան կոչվող թաղամասից Նորք-Մարաշ վարչական շրջան երթուղին»,- ասված է գրառման մեջ:
Երևանի քաղաքապետարանը հայտարարել էր, որ 2021-ի հունվարի երկրորդ կեսից մայրաքաղաքում կերթևեկեն նոր հանրային ավտոբուսներ:
Բաժանորդագրվեք մեր ալիքին Telegram-ում