Ժամանակը Երևանում՝ 11:07:36,   3 Դեկտեմբեր

«Ազնավուրը Շառլի աչքերով». «Ոսկե ծիրանի» շրջանակում մեծն շանսոնյեի մասին ֆիլմ կցուցադրվի  

«Ազնավուրը Շառլի աչքերով». «Ոսկե ծիրանի» շրջանակում մեծն շանսոնյեի մասին ֆիլմ 
կցուցադրվի

 

ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Երևանի «Ոսկե ծիրան» 17-րդ միջազգային կինոփառատոնի «Աջակցություն կինոթատրոններին» ծրագրի շրջանակում նոյեմբերի 23-ին «Սինեմա սթար» կինոթատրոնում տեղի կունենա Մարկ դի Դոմենիկոյի «Ազնավուրը Շառլի աչքերով» ֆիլմի ցուցադրությունը։

«Արմենպրես»-ի հաղորդմամբ՝ ֆրանսիական ֆիլմի տևողությունը 75 րոպե է, լեզուն՝ ֆրանսերեն: Կլինեն հայերեն, անգլերեն ենթագրեր:

1948 թվականին Էդիթ Պիաֆից իր առաջին տեսախցիկը ստանալուց հետո տեսագրությունը դարձել է Շառլ Ազնավուրի ամենօրյա կյանքի մասը: Երգիչը տեսաօրագիր է պահել, որտեղ նկարահանել է իր կյանքի կարևոր պահերը, ուղևորությունները, համերգները, սիրեցյալներին և ընկերներին:

Մահից առաջ նա ցանկություն է հայտնել այդ նյութերից ֆիլմ ստեղծել: Իրականացնելով Ազնավուրի ցանկությունը՝ Մարկ դի Դոմենիկոն մուտք է գործել Ազնավուրի անձնական պահոցները՝ ինքը ևս երեք տարի շարունակ նկարահանելով երգչին:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ