Երևանում՝ 11:07,   8 Մայիս 2024

 Իտալիան աշխարհի առաջին երկրներից մեկն է, որը COVID-19-ի դեմ պատվաստանյութ կստանա. Լուիջի դի Մայո

 Իտալիան աշխարհի առաջին երկրներից մեկն է, որը COVID-19-ի դեմ պատվաստանյութ կստանա. Լուիջի դի Մայո

ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Իտալիան կդառնա աշխարհի առաջին երկրներից մեկը, որը COVID-19 կորոնավիրուսային վարակի դեմ պատվաստանյութ կստանա: Այդ մասին, ինչպես տեղեկացնում Է «Արմենպրես»-ը, հայտարարել Է Իտալիայի ԱԳ նախարար Լուիջի դի Մայոն:

«Իտալիան երկու խոշոր միջազգային համաձայնագրերի Է մասնակցում Pfizer եւ AstraZeneca դեղագործական ընկերությունների հետ, որոնք առավել հեռու են գնացել եւ մեծ հաջողության հասել փորձարկումների բնագավառում: Իտալիան կլինի աշխարհի այն երկրների թվում, որոնք կստանան պատվաստանյութը»,-հայտարարել Է նա՝ նոյեմբերի 19-ին հանդես գալով Radio Anch՚io ռադիոկայանի եթերում:

Դի Մայոյի հայտարարությունները հիմնվում են ոչ միայն նշված երկու դեղագործական ընկերությունների հետ համաձայնագրերի վրա, այլեւ պատվաստման ազգային պլանի վրա, որը մշակել Է COVID-19-ի արտակարգ դրության հարցերի կոմիսար Դոմենիկո Արկուրին:

Այս փաստաթղթում, որը հրապարակվել Է նոյեմբերի 19-ին, ասվում Է այն մասին, որ արդեն հունվարի վերջին Ապենինները կստանա Pfizer պատվաստանյութի 3,4 միլիոն չափաբաժին, ինչը թույլ կտա, որպեսզի կորոնավիրուսի դեմ պատվաստում ստանա 1,7 միլիոն մարդ:

Ավելի վաղ Իտալիայի վարչապետ Ջուզեպե Կոնտեն հայտարարել Էր, որ պատվաստման ազգային պլանի վրա աշխատանքն սկսվել Է նոյեմբերի սկզբին, COVID-19-ի դեմ պատվաստանյութի առաջին խմբաքանակները պետք Է ստացվեն արդեն դեկտեմբերին, սակայն զանգվածային պատվաստում սկսելու համար, «ըստ երեւույթին, պետք Է սպասել մինչեւ գարուն», հաղորդել Է ՌԻԱ Նովոստին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am