Ժամանակը Երևանում՝ 11:07:36,   26 Հոկտեմբեր

Լուկաշենկոն ստանձնեց Բելառուսի նախագահի պաշտոնը

 Լուկաշենկոն ստանձնեց Բելառուսի նախագահի պաշտոնը

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Ալեքսանդր Լուկաշենկոն ստանձնեց Բելառուսի նախագահի պաշտոնը: Պաշտոնակալության արարողությունը տեղի Է ունեցել Անկախության պալատում, տեղեկացնում Է «Արմենպրես»-ը: Պաշտոնակալության արարողությանը հրավիրվել Էր մի քանի հարյուր մարդ:

Նրանց թվում Էին բարձրագույն պաշտոնատար անձինք, Ներկայացուցիչների պալատի պատգամավորներ եւ Հանրապետության խորհրդի անդամներ, պետական մարմինների եւ կազմակերպությունների, տեղական գործադիր եւ կարգադրիչ մարմինների, հանրապետական զանգվածային լրատվամիջոցների ղեկավարներ, գիտության, մշակույթի եւ սպորտի գործիչներ:

Բելառուսի Հանրապետության Սահմանադրությանը համապատասխան նախագահը պաշտոնն ստանձնում Է երդում տալուց հետո: Աջ ձեռքը դնելով Սահմանադրության վրա՝ Ալեքսանդր Լուկաշենկոն երդում Է տվել բելառուսերեն: Այնուհետեւ նա ստորագրել Է երդում տալու ակտը, ինչից հետո Բելառուսի Ընտրությունների եւ հանրապետական հանրաքվների անցկացման կենտրոնական հանձնաժողովի նախագահ Լիդիա Երմոշինան Ալեքսանդր Լուկաշենկոյին Է հանձնել Բելառուսի Հանրապետության նախագահի հավաստագիրը: Ինչպես հաղորդվել Է, պետության ղեկավարի ընտրությունները կայացել են օգոստոսի 9-ին: Կենտրոնական ընտրական հանձնաժողովի տվյալներով՝ Ալեքսանդր Լուկաշենկոյի օգտին քվեարկել Է ընտրողների 80,1 տոկոսը: Ամբողջությամբ վերցված երկրում ընտրություններին մասնակցությունը կազմել Է 84,28 տոկոս, հաղորդել Է ԲԵԼՏԱ-ն:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ