ԱՄՆ-ի ռազմածովային ուժերի «Ռուզվելտ» Էսկադրային ականակիրն ուղեւորվում Է Սեւ ծով
17:08, 15 Սեպտեմբեր 2020
ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ի ռազմածովային ուժերի «Ռուզվելտ» Էսկադրային ականակիրն ուղեւորվում Է Սեւ ծով՝ ՆԱՏՕ-ի գծով գործընկերների եւ դաշնակիցների հետ «ծովում անվտանգության ապահովման գործողություններ անցկացնելու համար»: Այդ մասին, ինչպես տեղեկացնում Է «Արմենպրես»-ը, հաղորդել Է ԱՄՆ-ի ռազմածովային ուժերի Վեցերորդ նավատորմի մամուլի ծառայությունը:
«2020 թվականի սեպտեմբերի տասնհինգին «Առլի Բերք» տեսակի կառավարվող հրթիռային զենքով Էսկադրային ականակիրն սկսել Է հյուսիսային ուղղությամբ Սեւ ծով անցումը՝ տարածաշրջանի գործընկերների եւ ՆԱՏՕ-ի գծով դաշնակիցների հետ համատեղ ծովում անվտանգության ապահովման գործողություններ անցկացնելու համար»,- ասվում Է հայտարարության մեջ:
Նշվում Է, որ սա 2020 թվականի սկզբից ի վեր վեցերորդ անգամն Է լինելու, երբ ԱՄՆ-ի ռազմածովային ուժերի նավը մտնում Է Սեւ ծով:
Ավելի վաղ հուլիսին Ուկրաինայի հետ համատեղ Sea Breeze 2020 վարժանքներին մասնակցության համար Սեւ ծով Էր մտել «Փորթեր» Էսկադրային ականակիրը, հաղորդել Է ՌԻԱ Նովոստի գործակալությունը:
Բաժանորդագրվեք մեր ալիքին Telegram-ում