Միրզոյանը ՀԱՊԿ երկրների խորհրդարանների ղեկավարներին կոչ է արել դատապարտել Ադրբեջանի սադրիչ քայլերը
15:28, 13 Հուլիս 2020
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետության Ազգային ժողովի նախագահ Արարատ Միրզոյանը նամակներ է հղել Հավաքական անվտանգության պայմանագրի կազմակերպության անդամ երկրների խորհրդարանների պալատների նախագահներին՝ ներկայացնելով Ադրբեջանի սադրիչ գործողությունները հայ-ադրբեջանական սահմանին։ «Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է ՀՀ ԱԺ նախագահ Արարատ Միրզոյանը։
«Նամակներ եմ հղել ՀԱՊԿ անդամ երկրների խորհրդարանների պալատների նախագահներին՝ ներկայացնելով ադրբեջանական զինված ուժերի կողմից Հայաստանի Հանրապետության հյուսիս-արևելյան սահմանի ուղղությամբ ձեռնարկած սադրիչ գործողությունները և կոչ անելով դատապարտել դրանք»,- գրել է Միրզոյանը։
Բաժանորդագրվեք մեր ալիքին Telegram-ում