Ժամանակը Երևանում՝ 11:07:36,   9 Օգոստոս

Քանյե Վեսթը հայտարարել է 2020թ. ԱՄՆ նախագահական ընտրություններին մասնակցելու մտադրության մասին

Քանյե Վեսթը հայտարարել է 2020թ. ԱՄՆ նախագահական ընտրություններին մասնակցելու մտադրության մասին

ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ։ Հայտնի ռեփեր, Քիմ Քարդաշյանի ամուսին Քանյե Վեսթը       ԱՄՆ անկախության օրը՝ հուլիսի 4-ին հայտարարել է 2020թ․ նախագահական ընտրություններին մասնակցելու մտադրության մասին, սակայն դեռևս հստակ չէ, արդյոք երաժիշտը ձեռնամուխ է եղել քվեաթերթիկներում հայտնվելու աշխատանքին, թե ոչ։

«Այժմ մենք պետք է գիտակցենք Ամերիկայի խոստումը՝ վստահեով Աստծուն, միավորելով մեր տեսլականը և կառուցելով մեր ապագան»,- «Արմենպրես»-ի հաղորդմամբ, գրել է Վեսթը, հավելելով,- «Ես առաջադրվում եմ որպես ԱՄՆ նախագահի թեկնածու»։

«Թվիթեր» սոցիալական ցանցում արված գրառմանը պատասխանել է Քիմ Քարդաշյանը՝ ԱՄՆ դրոշի նկարով։

Նախագահական ընտրություններից 4 ամիս առաջ արված այս հայտարարության վերաբերյալ դեռևս հստակություն չկա։ Հայտնի չէ, արդյո՞ք անվանի կատարողի անունը կհայտնվի քվեաթերթիկներում, թե ոչ։ Որպես նախագահի անկախ թեկնածու՝ Վեսթը ընտրություններին մասնակցելու հնարավորություն դեռևս ունի։





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ