Վահե Էնֆիաջյանը պարգեւատրվել է Կատարողական արվեստի համաշխարհային ասոցիացիայի կողմից

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ։ Ազգային ժողովի նախագահի տեղակալ Վահե Էնֆիաջյանը մայիսի 15-ին Կատարողական արվեստի համաշխարհային ասոցիացիայի կողմից պարգևատրվել է «Տիգրան Մեծ» ոսկե մեդալով՝ արվեստի ու մշակույթի գործիչների շահերը պաշտպանելու, նրանց խնդիրները մշտապես բարձրաձայնելու, սատարելու և աջակցելու համար: «Արմենպրես»-ին այս մասին հայտնեցին Վահե Էնֆիաջյանի գրասենյակից։