1000х90.jpg (78 KB)

Երևանում՝ 11:07,   29 Մարտ 2024

Պատգամավորը կոչ արեց ուղևորափոխադրող ընկերությունների աշխատողներին ևս ընդգրկել աջակցության ծրագրում

Պատգամավորը կոչ արեց ուղևորափոխադրող ընկերությունների աշխատողներին ևս 
ընդգրկել աջակցության ծրագրում

ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: ՀՀ ազգային ժողովի «Լուսավոր Հայաստան» խմբակցության պատգամավոր Անի Սամսոնյանը կառավարությանը կոչ արեց աջակցության ծրագրերի շահառուների շրջանակն ընդլայնել, մասնավորապես ընդգրկել նաև ուղևորափոխադրող ընկերությունների աշխատակիցներին, որոնք պարապուրդի են մատնված: «Արմենպրես»-ի հաղորդմամբ՝ Սամսոնյանն այս մասին ասաց ԱԺ-ում հայտարությունների ժամին:

«Պետք է ընդլայնվի 8-րդ միջոցառման շահառուների թիվը: Կան ոլորտներ,  որոնք արտակարգ դրության հետ կապված կրել են վնասներ, օրինակ կանոնավոր ուղևորափոխադրումներ իրականացնող ընկերությունները: Եթե ռեստորաններին ասել ենք՝ բանալիով փակում եք, չեք աշխատելու, այդ ուղևորափողադրող ընկերություններին էլ ասել ենք՝ անջատեք շարժիչները, դուք չեք աշխատելու: Ես սա արտակարգ դրության հետևանք է»,-ասաց Սամսոնյանն ու նկատեց՝ կան նաև մասնավոր կրթական հաստատություններ՝ մասնավոր դպրոցներ և մանկապարտեզներ, որոնք ևս խնդիրներ ունեն:

Նա նաև կոչ արեց պատրաստել ուղեցույց-տեսահոլովակներ, որոնք ընկալելի, պարզ լեզվով մարդկանց կբացատրեն, թե ինչպես դիմել աջակցության ծրագրերին: Պատգամավորի կարծիքով՝ ծրագրերը գրված են բարդ, կան բառեր, արտահայտություններ, որոնք մարդկանց համար տարընթերցումների տեղիք են տալիս:

Կառավարությունը արտակարգ դրության պայմաններում մշակել և ընդունել է կորոնավիրուսի տնտեսական հետևանքների չեզոքացման 11 միջոցառում: Դրանք աջակցություն են նախատեսում ինչպես բիզնեսին, այնպես էլ անհատների, որոնք կարող են սոցիալական խնդրի առաջ կանգնել: Մասնավորապես 8-րդ միջոցառման շահառու են անձինք, ովքեր մարտի 13-30 հանդիսացել են հյուրանոցային և հյուրատնային ծառայությունների, հանրային սննդի ծառայությունների, զբոսաշրջային ծառայությունների,
վարսավիրանոցների և գեղեցկության սրահների ծառայությունների,
մանրածախ առևտրի ծառայությունների (բացառությամբ սննդամթերք և դեղորայք վաճառողների) վարձու աշխատղներ կամ անհատ ձեռնարկատերեր:

Աննա Գրիգորյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]