Թուրքիայի հատուկ նշանակության ուժերն են ապահովում ՌԴ հիմնարկությունների անվտանգությունը երկրում
12:22, 28 Փետրվար 2020
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Թուրքիայի տարածքում գործող ռուսական արտասահմանյան հիմնարկությունների անվտանգությունն ապահովում են թուրքական ոստիկանության հատուկ նշանակության ուժերը: Այդ մասին, ինչպես տեղեկացնում Է «Արմենպրես»-ը, փետրվարի 28-ին ՏԱՍՍ-ին հայտնել Է ՌԴ դեսպանության մամուլի կցորդ Իրինա Կասիմովան:
«Երեկվանից Թուրքիայում Ռուսաստանի դեսպանության եւ ռուսական մյուս արտասահմանյան հիմնարկությունների պահպանությունն ապահովվում Է ոստիկանության հատուկ նշանակության ուժերի կողմից»,-ասել Է նա: Ավելի վաղ Թուրքիայում ՌԴ-ի դեսպան Ալեքսեյ Երխովը հայտնել Է, որ ինքն սկսել Է սպառնալիքներ ստանալ Սիրիայի Իդլիբի նահանգում իրադրության սրվելու պատճառով:
Բաժանորդագրվեք մեր ալիքին Telegram-ում