Երևանում ապամոնտաժվել են ծաղկի տաղավարներ ու նախկին Փակ շուկայի ճակատային մասի մետաղյա հովանոցները
13:13, 6 Փետրվար 2020
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Երևանի քաղաքապետարանի առևտրի և սպասարկումների վարչության աշխատակիցների ձեռնարկած միջոցառումների շնորհիվ ապամոնտաժվել է Սայաթ-Նովա պողոտայի և Աբովյան փողոցի խաչմերուկում՝ Սուրբ Աննա եկեղեցու դիմաց տեղադրված ծաղկի վաճառքի համար նախատեսված տաղավարը:
«Արմենպրես»-ի հաղորդմամբ՝ այս մասին տեղեկանում ենք Երևանի քաղաքապետարանի «Ֆեյսբուք»-ի էջից:
«Բացատրական աշխատանքներից հետո Մաշտոցի պողոտայի թիվ 5 հասցեում գտնվող պատմամշակութային հուշարձան հանդիսացող շենքի՝ նախկին Փակ շուկայի տնօրինությունը ապամոնտաժել է շենքի ճակատային մասում կառուցված մետաղյա հովանոցները։ Աշխատանքները շարունակական են»,- հայտնում են քաղաքապետարանից։
Բաժանորդագրվեք մեր ալիքին Telegram-ում