ԿԲ-ն արձագանքել է ՀՀ-ում HSBC խմբի գործունեության վերանայման մասին տեղեկատվությանը
1 րոպեի ընթերցում
![ԿԲ-ն արձագանքել է ՀՀ-ում HSBC խմբի գործունեության վերանայման մասին տեղեկատվությանը](http://armenpress.am/resized/480/static/news/b/2020/01/1003060.jpg)
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: ՀՀ կենտրոնական բանկն արձագանքել է Հայաստանում HSBC խմբի գործունեության վերանայման մասին տեղեկատվությանը:
«Սույն թվականի հունվարի 29-ին reuters.com գործակալության հրապարակած նորության հետ կապված առ այն, որ HSBC խումբը քննարկում է Հայաստանի Հանրապետությունում իր գործունեության վերանայումը: Հատնում ենք, որ ՀՀ ԿԲ նախագահի և HSBC խմբի ղեկավարության հետ պարբերական հանդիպումների ժամանակ մշտապես բարձր է գնահատվել բանկի ներկայությունը և ներգրավվածությունը ՀՀ ֆինանսական համակարգին: Ավելին, բանկի գործունեությունը ՀՀ-ում գնահատվում է որպես «հաջողության պատմություն»: Ավելացնենք նաև, որ HSBC Հայաստան բանկը դիմել է ՀՀ ԿԲ-ին՝ որպես կարգավորող մարմնի, գրանցելու նոր տնօրեն, որը կպաշտոնավարի մարտ ամսից»,- «Արմենպրես»-ի հաղորդմամբ ասված է ԿԲ-ի հաղորդագրության մեջ: