Ինչպես կարող է մեքենայի սեփականատերը պահպանել իր տուգանային միավորները, եթե վարորդն այլ անձ է
16:53, 28 Դեկտեմբեր 2019
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ ոստիկանությունը հրապարակել է տեղեկատու հոլովակ, որը հուշում է, թե ինչպես մեքենայի սեփականատերը կարող է զերծ մնալ տուգանային միավորները կորցնելուց, երբ վարորդը մեկ ուրիշն է:
«Արմենպրես»-ը ներկայացնում է ոստիկանության հրապարակած հոլովակը:
Հունվարի 1-ից ուժի մեջ է մտնում տուգանային միավորների համակարգը: Խախտում կատարելու դեպքում վարորդը ոչ միայն կտուգանվի, այլ նաև կիջեցվեն նրան տրված բալերը: Հունվարի 1-ին կգործի նաև roadpolice.am կայքը։ Այստեղ հնարավոր կլինի սեփականության իրավունքով մի անձի պատկանող մեքենային կցել մեկ այլ վարորդի, որպեսզի տուգանային միավորներ հանվեն մեքենան վարողից։
Բաժանորդագրվեք մեր ալիքին Telegram-ում