366.72
Արտակ Զեյնալյանը հանդիպել է Ֆրանսիայի հակակոռուպցիոն գործակալության տնօրենին
1 րոպեի ընթերցում
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: ՀՀ արդարադատության նախարար Արտակ Զեյնալյանը հունիսի 19-ին Փարիզ կատարած աշխատանքային այցի շրջանակներում հանդիպեց Ֆրանսիայի հակակոռուպցիոն գործակալության տնօրեն Շարլ Դյուշենին:
Ինչպես հաղորդում է «Արմենպրես»-ը, հանդիպմանը Շարլ Դյուշենը ներկայացրեց գործակալության հիմնական նպատակները, գործառույթները և փորձը կոռուպցիայի կանխարգելման ոլորտում՝ պատրաստակամություն հայտնելով, ըստ անհրաժեշտության, համապատասխան աջակցություն ցուցաբերել Հայաստանին:
Նույն օրը ՀՀ Արդարադատության նախարարը ՀՀ դեսպանությունում հանդիպեցֆրանսահայ կազմակերպությունների և լրատվամիջոցների ներկայացուցիչներին:
Հանդիպմանը նախարար Զեյնալյանը ներկայացրեց նոր կառավարության հիմնական նպատակներն ու անելիքները Հայաստանում իրավական պետության ամրապնդման, կոռուպցիայի դեմ պայքարի, քրեակատարողական հիմնարկների բարեփոխման և այլ ոլորտներում, պատասխանեց ներկաների բազմաթիվ հարցերին:
Նախարարն ընդգծեց ներկա պայմաններում ողջ հայության ներուժն առավելագույնս օգտագործելու և Հայաստան-Սփյուռք համագործակցությունը խորացնելու անհրաժեշտությունը:
Բաժանորդագրվեք մեր ալիքին Telegram-ում