Հալեպից իրականացված տարհանումը խոշորագույն մարդասիրական ակցիան Է աշխարհում. Պուտին
ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: Հալեպից իրականացված տարհանումը խոշորագույն միջազգային մարդասիրական ակցիան դարձավ աշխարհում: Այդ մասին, ինչպես տեղեկացնում Է «Արմենպրես»-ը, դեկտեմբերի 23-ին Մոսկվայում կայացած մամուլի ասուլիսում հայտարարել Է ՌԴ նախագահ Վլադիմիր Պուտինը:
«Մենք կազմակերպեցինք եւ հազարներով, տասնյակ հազարներով դուրս բերեցինք մարդկանց, եւ ոչ միայն արմատականորեն տրամադրված զինված խմբավորումներին ու նրանց ներկայացուցիչներին, այլեւ կանանց ու երեխաներին: Խոսքը 100 հազարից ավելի մարդկանց մասին Է, որոնք դուրս բերվեցին Հալեպից: Հազարավորներն Էլ դուրս բերվեցին այլ բնակավայրերից՝ Հալեպից տարհանվածների դիմաց»,-ասել Է Պուտինը:
«Սա արդի աշխարհում խոշորագույն, ես դա ցանկանում եմ ընդգծել, խոշորագույն միջազգային հումանիտար ակցիան Է»,- հայտարարել Է ՌԴ նախագահը, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում